احتیاطی وحفاظتی تدابیر پر عمل کرتے ہوئے مدینہ منورہ میں احد پہاڑ کے قریب مسجد سید الشہداء نمازیوں کے لیے کھول دی گئی ہے۔

سبق ویب سائٹ کے مطابق مدینہ منورہ میں وزارت اسلامی امور کے دفتر کی نگرانی میں مسجد میں جمعہ و جماعت کی بحالی سے پہلے تمام تر احتیاطی و حفاظتی تدابیر کو یقینی بنایا گیا۔

وزارت نے کہا ہے کہ ’مسجد کو متعدد مرتبہ سینیٹائز کرنے کے بعد ہدایات کے مطابق صفوں کو استوار کیا گیا ہے‘۔

’تمام نمازی ماسک اور سماجی فیصلے کی پابندی کر رہے ہیں جبکہ بیشتر اپنی جائے نماز اپنے ساتھ لا رہے ہیں‘۔

’مسجد کا وضو خانہ بند ہے جبکہ قرآن مجید کے تمام نسخے ہٹا لیے گیے ہیں جبکہ پینے کا پانی نمازیوں کو فراہم نہیں کیا جارہا‘۔

واضح رہے کہ مسجد سید الشہداء معروف پہاڑ احد کے قریب جبل الرماۃ کے دامن میں واقع ہے جہاں اسلامی تاریخ کا اہم معرکہ پیش آیا تھا۔

مسجد کے قریب غزوہ احد میں شہید ہونے والے 70 صحابہ کرام سمیت حضرت حمزہ ؓ کا بھی مدفن ہے۔https://www.urdunews.com/node/482981 بشکریہ : اردو نیوز